“ Editor Hmurka ”
America ram ah thih lohnak kan ton hnu cun mi tam deuh cu Life Insurance kong ah kan buai cio cang hna. Life Insurance timi cu kan thih hnu caah ti’n kan nun lio caan i kan i pek chung mi tu asi.
Vawlei cung minung hi kan nun ning aa dan bantuk in kan thih ning zong aa dang cio hna.Kan thih ning aa dang cio kan ti tik ah pulthih,saarthih tinak siloin ,kan nun lio caan ah zei bantuk tuahsernak dah kan rak ngeih tinak tu khi a si. A minung hawi sin ah dawtnak, zawnruahnak ngei in thil a tuah mi hna cu an mipum a thih hmanh ah mi thinlung chung ah cun an thi bal lo. Thih hnu caah nun lio i tuah sernak in pek khi a si ko.
Kawl ram cattial thiam pakhat a rak thih lio ah a hawipa nih ca a ttial mi cu “ A nih cu a thi cang, a nun khua kum za renglo sau ko seh.”tiah a rak ttial bal. Kan nih cio teh?
“KAN THIH HNU AH KAN NUN KHUA KUM ZA RENGLO SAU CIO KO SEH”
