Cerlian Vol(2) Article
Lai Phunpi Ni
1948 February thla ni 20 , Kawl ram le India ram zalonnak an hmuhka ah, Lai kan nu kan pa le cu mah lio Lai ram i khualipi a si mi Falam khua ah mibu pi ton nak an tuah.Lai ram a kakip in minung 5000 leng an ra. Kan Lai tuanbia ah hmasa bik , tam bik le Lai miphun tling i ton nak a si. Ramukbawi nawlngeih nak kan dongh ter lai i kan miphun hi kan ram chung ah zalong te in, a ho ram ukbawi le thlang miring bawi i pen um ti lo in, khua kan sa cang lai ti ruah ah a si. Cu hlan vial te ah Lai ram cu a ho pen lo ram, mah te khuasa tawn kan si i , Mirang kuttang in luat nak kan hmuh tik ah a ho te Ram he dah kan i fonh lai ti hi Lai kan nu kan pa le nih zalong te in rak i thim ding a si. Khattelei ah India a um,khatlei kam ah Kawl Ram a um.Awng San zongnih a rak kan sawm cang.Mah mibu tonnak ah cunmah Kawl Ram pi i president asi mi Sao Suei Taih zong a hong ve.Laimi hi India ah i fonh lo in Kawl Ram ah i fon ko uh! Ti i hongthloh ding ah a hon cu a si.Mah ni cu kan miphun i mah te duh thimnak ngeih kan duh kan langhter ni a si.Mah ni cu Rampi theih in Lai Phunpi Ni si seh tiah Ram bawi bik U Nu nih a hnu 1951 kum Feb 20 ah Rampi min in a thanh i Kawl Ram rampi nih a co hlan,a upat .
Lai Phunpi Ni cu 1956/57 ah Pangpar Puai ti ah thlen dingin an rak timh.Pu Hrang Nawl ho in a dang Lai MP pawlnih bia tak te in an rak doh caah an thleng kho lo 1966 ah Chin Special Division Day ti ah thlen ding in an rak thimh than hoi.Pu Vuantu Maung nih mipi an tial mi tuanbia cu hrawhkhawh le thlenkhawh a si lo ti in a rak ti hna i thlen ai zuammi pawlnih an rak pekmi laksawng zong a khirh than hna.1974 kum ah Constitution a thar a chuah i Chin Special Division in Chin State ti ah kan ram cu a min an thlen.
Socialist chan i bawi a rak tuan mi a cheukhat nih kan Phun Ni cu State Ni ti ah thlen an timh than.A bik in 1981 hrawng khan thlen an rak i zuam. Sianghleirun kai hna nih a biapi in an doh Lai a dawmi vial te nih an doh cu ruang ah Ram Ni le Miphun Ni ti ah komh in phundang in an merhthan hoi.
A kan Uktu hna nih an duh in a min cu thleng in bunh ko hna hmanhseh, kan Miphun nih Lai Phunpi Ni pakhat lawng hi kan tuanbia nih an kan chimh mi a si.Min dang kan ngei lo.
Ca ttialtu - Siang L Cung
Chirhchan ; Ceu Hlun (Cacc.info )
Zapeng Sakhong
